古上書是咱的祖先留落來的優秀非物質文化遺產,古早人說的話句句是真理。
十八廿二青春少年時;時到時擔當,無米煮番薯湯;湯也份汁也份;湯滾找無狗;狗勿吠撓狗嘴;嘴共舌也會相礙;嘴幹無嫌田水濁,無妺莫嫌乞吃婆;無須管人胡,無米管人芡粿糊。
無三不成禮;三雙來六塊去;六六大順;順腳順手;手骨伸以直,無驚你擼扔揮;手若無舉刀,心裡平囉囉。
舉刀擔籃;舉錘舉鐺;錘哥槍哥;曲槍打知勢;杖拐較濟鳥槍;槍子尾凊冰冰。
凊熬糜治餓人;人在等節季,節季無等人;搶年搶節;好年好節;節季拿若著,較好吃補藥。
節季拿若著,較像豬仔吃大麥;麥貴吃餅人出錢;錢是人趁的;錢來人無大;大人吃飽面向出;出門看天時入厝看人意;入門禮識出門禮勿識;識禮加跪。
識人較好識錢;錢會來會去;錢會了會趁;趁錢有數身命得顧;顧你勿是誤你。
你歡我喜你甘我願;甘心情願;甘願要做牛,免驚無腳車;濟牛踏無糞,濟妺無得睏;吃睏穩碨吹唱;曲會濫糝唱,話沒會濫糝說;說話頭聽話尾。
尾尕吃熟奶;好尕免用濟,歹尕占四界;歹尕飼老爸;歹竹出好筍。
合好人行有布得經,和歹人行有事得生;生的放一邊,養的功勞較大天;天公疼愚人。
人若是豬牽到那都是豬;歹豬貪別人槽,歹郎貪別人婆,歹喳妺貪別人熬糜稠(洘)。
歹歹郎強過破火籠,歹歹妺強過遮風堵;歹鑼連累鼓,歹郎連累妺;妺死換新被,郎死走別地;妺死換新衫,郎死吃別坩;郎妺仔是相欠債;郎妺無相嫌,糙米煮飯也會粘。
郎妺若相好,互相謳咯;郎妺冤家,家口爐渣;郎妺相打望人牽,相罵望人話;郎妺床頭相打床尾和;郎妺郎妺,同甘共苦;郎妺仔是相傍福氣;福氣無零散;福人居福地,福地福人居。
更多優美詞句盡在黃印級三千六百條《閩南俗語教學》