古上書是咱的祖先留落來的優秀非物質文化遺產，古早人說的話句句是真理。
人說學好得三年，學歹那一時。
一時想無到，終生苦到老。
老是老頂到半暝後。
半暝出狂鴨，鴨仔落水身就浮，鴨母嘴懵入沒蝦也有水龜，龜笑鱉無毛，鱉笑龜無尾，龜肉也是龜殼掰的。
一圓錢掰做兩圓用。
一樣米飼百樣人。
人生三大暢，娶妺生尕做俺公。
公媽疼大孫，爸母疼細尕。
寵尕不孝，寵狗爬上灶。
狗頭狗花花贏過一隻大騷雞。
雞損貓也損。
燒飲糜損菜，水喳妺仔損尕婿。
尕婿做了也會做姑丈。
丈母看尕婿愈看愈意愛。
愛人好自己好，愛人歹自己歹。
歹尕也得惜，孝男無得借。
勿借人生要借人死。
死爸扛去殆，死母等人來。
來腳去數，數人的腳跡步。
緊行無好步，慢行好步數。
行船走馬三分命。
水喳妺愛照鏡， 歹命人愛算命。
命較凊水。
水噴凊才飲。
愛水無驚流鼻水，愛風度無驚溫度。
愛哭討沒面，假嚎無目屎。
屎到才要開漚，嘴幹才要開井。
嘴水抹倒鬼。
鬼合馬嚎。
嚎暝嚎日。
日曝上元燈，雨沃清明種。
要做種得曝以幹。
幹冬節澹年兜。
囝仔暢過年，大人苦無錢。
錢未趁到手，勿得大蝦配燒酒。
酒醉心頭定。
加定做細餅。
細膩貓踏破瓦，細膩喳妺走過社。
大吃假細膩。
吃魚吃肉也得菜加。
在生加吃一粒土豆，較好死了敬一個大豬頭。
頭除來尾除去。
去龍撓著。
龍一尾較好蚯蚓歸畚箕。
歸暝勿睏見得牽被。
被中央勿睏走去蚵角頂拋車輪。
穩龜拋車輪著力無好看。
看有吃無干幹願，真像公婆鼻：香煙。
公家公大。
公親變事主。
主人讓客。
糜了人客飽。
飽就好脹無痕。
船過水無痕。
船工做勿算，海水啉到幹。
腳幹嘴含沙。
嘴口精茫茫，眠床准粗桶。
天腳下的桶全要包去箍。
天要平地勿平。（上）